ഈ കടലിന്റെ തീരത്തെ സമചിത്തതയുടെ നിമിഷങ്ങൾ നിങ്ങൾക്ക് സമ്മാനിക്കുന്നത് വിസ്മയിപ്പിക്കുന്ന തിരിച്ചറിവുകൾ. ഒപ്പം അദ്‌ഭുതകരമായ ആത്മബലവും.
By NV PAULOSE
സങ്കട കടൽ എല്ലാവർക്കും ഒരു ബാലികേറാ മലയാണ്. ഒരിക്കലും കാലെടുത്തുവയ്ക്കാൻ കഴിയാത്ത വിധം അതിന്റെ തീരങ്ങൾ തിരകളാൽ പ്രക്ഷുബ്ദം ആയിരിക്കും. എത്ര ധൈര്യ ശാലിയും നിയന്ത്രണം വിട്ട പട്ടം പോലെ തകർന്നു വീഴുന്ന സങ്കട കടലിന്റെ തീരം സമചിത്തതയോടെ തരണം ചെയ്യുന്നവർ പക്ഷെ വലിയൊരു വജ്ര ശേഖരവും ആയിട്ടായിരിക്കും തന്റെ മുന്നോട്ടുള്ള യാത്ര പുനരാരംഭിക്കുക.
എന്താണ് നിങ്ങളുടെ സങ്കട കടൽ? എവിടെ തുടങ്ങിയതാണ് ഈ യാത്ര? എങ്ങിനെയാണ് നിങ്ങൾ ഈ യാത്രയെ അഭിമുഖീകരിച്ചത്?
നിങ്ങളുടെ നഷ്ടവും, നിങ്ങൾക്കും മറ്റുള്ളവർക്കും ഉണ്ടായ വിഷമങ്ങളും, നിങ്ങൾക്കും നിങ്ങൾക്കുള്ളവർക്കും നിങ്ങൾക്കു ചുറ്റുമുള്ള ലോകത്തിനും പറഞ്ഞുകൊടുത്തതും കൊടുക്കുന്നതുമായ കഥ എന്താണ്? ഈ കഥയിൽ എന്താണ് ഗുണപാഠം?
എവിടെയാണ് ഈ യാത്ര തുടങ്ങിയത്? എത്ര വേഗം എത്ര ദൂരം യാത്ര ചെയ്യാൻ നിങ്ങൾക്ക് കഴിഞ്ഞു? തുടർന്നുള്ള യാത്ര ആര് ഏറ്റെടുക്കും? എന്താണ് നിങ്ങളുടെ യാത്രയുടെ ലക്‌ഷ്യം?
ചോദ്യങ്ങൾക്കു അവസാനം ഇല്ല. ക്ഷമയോടെ അതിന്റെ തീരത്തു ഇരിക്കുകയും സങ്കട കടലിനെ സസൂഷ്മം നിരീക്ഷിക്കുകയും ചെയ്യുന്നവർ വലിയ തിരിച്ചറിവാണ് നേടുക. മുന്നോട്ടുള്ള അവരുടെ യാത്രയിൽ വലിയ കരുത്തായി ഇത് മാറും. ഓർമകളും അനുഭവങ്ങളും നൽകുന്ന വജ്ര ശേഖരം ആർക്കും തകർക്കാൻ പറ്റാത്ത ആത്മ വിശ്വാസം നിങ്ങളിൽ നിറയ്ക്കും.
